من نحن

تاجر معايا

- الاسم ده اتوجد علي اساس ان كل شخص هيشتغل معانا هيكون تاجر...تاجر عشان هيبدأ مشروعه الخاص لنفسه وبنفسه و يبيع المنتجات اللي هو شايف انها احسن للسوق... تاجر عشان هيعمل لنفسه زبون و هيكبر نفسه... تاجر عشان هيحدد سعر المنتجات اللي عايز يبيعها بدون اي قيود او شروط... من الاخر احنا خلينا اي حد ممكن يبقي تاجر و يبيع و يكبر و يزود دخله و هو حرفيا قاعد في بيته من غير ما يتحرك

ازاي!؟؟ 

- اي شخص ممكن يبدأ مشروعه الخاص بدون اي رأس مال او مخاطره و يكون شريك نجاح تاجر معايا

عن طريق ويبسايت عليه مجموعه كبيره جدا من المنتجات المتنوعه بسعر الجملة حرفياً فيها كل التفاصيل اللي ممكن تحتاجها كأنك ماسك المنتج في ايدك بالظبط(صور-مواصفات-فيديوهات)

و تقرر بنفسك حسب رأيك ايه المنتجات اللي السوق محتاجها و الناس هتشتريها و تبدأ تعمل صفحه علي الفيسبوك و تنزل عليها المنتجات دي بعد ما تزود الربح اللي انت عايز تضيفو عليها و لما يجيلك طلب علي منتج معين بترجع تاني عندنا علي الويبسايت و تطلب المنتج اللي العميل بتاعك محتاجه و تضيف بيانات العميل و احنا بنكلم العميل بمكالمه مجانيه من عندنا للتأكد من صحه البيانات و الطلب و بنوصله لحد العميل بتاعك و بمجرد تحصيل الفلوس من العميل بنحولك ربحك علي اي رقم انت بتحدده

- فودافون كاش

- اتصالات كاش

- موبينيل كاش 

- فوري

 - او اي حساب بنكي

- بس كده يا سيدي و عشان تكون مطمن او لو عندك اي سئله ممكن تكلمنا علي صفحتنا شغالين 24 ساعه او احنا عندنا جروب كبير لكل تجار عيله تاجر معايا بيتناقشو فيه في كل مشاكلهم و ايه المنتجات اللي شغاله كويس و هكذا خش جروب عيله تاجر معايا و اسأل علي اي حاجه محتاج تعرفها و هتلاقي تجار كتير زيك هيفدوك بخبرتهم في البيع و ابدأ مشروعك و حقق حلمك